Language: 
LA EN



                                                                       
   HomeProjectsContact USAbout LaoForum
 






 </
 


ກ່ຽວກັບລາວ


ສປປ ລາວ ຕັ້ງ
ຢູ່ໃຈກາງຂອງແຫຼມອິນດູຈີນ, ໃນເອເຊຍຕາວັນອອກສ່ຽງໃຕ້, ລະຫວ່າງເສັ້ນຂະໜານທີ 14-23 ອົງສາ
ເໜືອ ແລະ ເສັ້ນແວງທີ 100-108 ອົງສາຕາເວັນອອກ. ປະເທດລາວເປັນປະເທດທີ່ບໍ່ມີທາງອອກສູ່ທະເລ. ທິດເໜືອມີຊາຍແດນຕິດກັບປະເທດຈີນ 505 ກິໂລ​​ແມັດ, ທິດໃຕ້ມີຊາຍແດນຕິດກັບປະເທດກຳປູເຈຍ 435 ກິໂລ​​ແມັດ, ທິດຕາເວັນອອກມີຊາຍແດນຕິດກັບປະເທດຫວຽດນາມ 2,069 ກິໂລແມັດ, ທິດຕາເວັນຕົກມີຊາຍແດນຕິດກັບປະເທດໄທ 1,835 ກິໂລແມັດ ແລະ ທິດຕາເວັນອອກຕົກສ່ຽງເໜືອມີຊາຍແດນຕິດກັບປະເທດມຽນມ້າ 236 ກິໂລແມັດ. ລັກສະນະຂອງປະເທດມີລວງຍາວແຕ່ທິດເໜືອຫາທິດໃຕ້ 1,700 ກິໂລແມັດ, ລວງກວ້າງແຕ່ທິດຕາເວັນອອກຫາທິດຕາເວັນຕົກບ່ອນທີ່ກວ້າງສຸດຫຼາຍກວ່າ 500 ກິໂລແມັດແລະ ບ່ອນແຄບສຸດມີພຽງ 140 ກິໂລແມັດ.
ສປປ ລາວ ມີເນື້ອທີ່ທັງໝົດ 236,800 ຕາລາງກິໂລແມັດ, 3/4 ຂອງເນື້ອທີ່ປະເທດເປັນພູເຂົາ ແລະ ທົ່ງພຽງ. ພູມສັນຖານຂອງປະເທດແບ່ງອອກເປັນ 3 ເຂດທີ່ແຕກຕ່າງກັນ, ທາງທິດເໜືອເປັນພູສູງເຊິ່ງມີຄວາມສູງໂດຍສະເລ່ຍ 1,500 ​ແມັດ ສູງກວ່າລະດັບນ້ຳທະເລ. ຈອມພູທີ່ສູງທີ່ສຸດແມ່ນພູເບ້ຍຢູ່ໃນແຂວງຊຽງຂວາງ ມີຄວາມສູງ 2,800 ແມັດ. ສາຍພູຫຼວງຍາວອອກໄປທາງທິດຕາເວັນອອກສ່ຽງໃຕ້ໃສ່ພູອານ ເຊິ່ງເປັນພູພຽງທີ່ຄ້ອຍລົງໄປໃສ່ຊາຍແດນຂອງປະເທດກຳປູເຈຍ. ພູພຽງທີ່ໃຫຍ່ທີ່ສຸດມີ 3 ແຫ່ງຄື: ພູພຽງອານໃນແຂວງຊຽງຂວາງ, ພູພຽງນາກາຍໃນແຂວງຄຳມ່ວນ ແລະ ພູພຽງບໍລິເວນທີ່ຢູ່ທາພາກໃຕ້ຂອງປະເທດລາວເຊິ່ງມີຄວາມສູງກວ່າລະດັບນ້ຳທະເລ 1,000 ​ແມັດ.
ປະເທດລາວນອນຢູ່ໃນເຂດຮ້ອນ ແລະ ສະພາບອາການແມ່ນໄດ້ຮັບອິດທິພົນຈາກລົມມໍລະສຸມ, ສະພາບອາກາດສ່ວນຫຼາຍ ແມ່ນພັດມາຈາກພູທີ່ຢູ່ທາງພາກເໜືອ ແລະ ເຂດທີ່ສູງຢູ່ທາງພາກເໜືອ, ລົມເຄິງຮ້ອນແມ່ນພັດມາຈາກຊາຍແດນທີ່ຕິດກັບປະເທດຫວຽດນາມທາງພາກຕາເວັນອອກ. ອຸນຫະພູມແຕ່ລະມື້ຈະແຕກຕ່າງກັນ ແລະ ອຸຫະພູມໃນຍາມກາງຄືນແມ່ນປະມານ10C.
ປະຊາກອນລາວປະກອບດ້ວຍ 49 ຊົນເຜົ່າ, ໃຊ້ 4 ພາສາ, ອ້າງອີງຈາກຂໍ້ມູນເບື້ອງຕົ້ນທີ່ກຳນົດໃນກອງປະຊຸມສຳມະນາກ່ຽວກັບຊື່ຂອງຊົນເຜົ່າຕ່າງໆໃນວັນທີ 13-14 ​ເດືອນສິງຫາ ປີ 2000.

ຂໍ້ມູນກ່ຽວກັບພູມມີສາດ:


 
- ຊື່ປະເທດ: ສາທາລະນະລັດປະຊາທິປະໄຕປະຊາຊົນລາວ. (ຊື່ສັ້ນ: ສປປ ລາວ ຫຼື ລາວ)
- ເມືອງຫຼວງ: ນະຄອນຫຼວງວຽງຈັນ.
- ພາສາທາງການ: ພາສາລາວ.
- ຫົວໜ່ວຍເງິນ: ກີບ (ອັດຕາແລກປ່ຽນສະເລ່ຍ: 1 USD = 8,814 ກີບ).
- GMT/ຄວາມແຕກຕ່າງຂອງເວລາໃນທ້ອງຖິ່ນ: GMT + 7 ຊົວໂມງ.
- ສະພາບອາກາດ: ຮ້ອນຊຸ່ມມໍລະສຸມ.
- ມີ 2 ລະດູຄື: ລະດູຝົນແຕ່ເດືອນພຶດສະພາ ຫາເດືອນຕຸລາແລະ ລະດູແລ້ງແຕ່ເດືອນພະຈິກ ຫາເດືອນເມສາ.

 
ດ້ານ​ກວດ​ກາ​ຫຼັກ​ຂອງ​ປະ​ເທດ:

- ສະໜາມ​ບິນນາໆ​ຊາດ​​ວັດ​ໄຕ (ນະຄອນຫຼວງ​ວຽງ​ຈັນ).
- ສະໜາມບິນນາໆຊາດຫຼວງພະບາງ.
- ຂົວມິດຕະພາບ: ຈັງຫວັດໜອງຄາຍ​​, ຂອງປະເທດໄທ ຫາ ນະຄອນຫຼວງວຽງຈັນ.
- ຊາຍແດນລະຫວ່າງປະເທດ: ຊ່ອງເມັກ, ຈັງຫວັດອຸບົນຣາດຊະທານີ, ຂອງປະເທດໄທ ຫາ ວັງເຕົ່າ, ແຂວງຈຳປາ ສັກ, ຂອງປະເທດລາວ.
- ຊາຍແດນລະຫວ່າງປະເທດ: ຈັງຫວັດມຸກດາຫານ, ຂອງປະເທດໄທ ຫາ ເມືອໄກສອນພົມວິຫານ, ແຂວງສະ ຫວັນນະເຂດ, ຂອງປະເທດລາວ.

ຂໍ້ມູນການສຶກສາ:

ລະບົບການສຶກສາຢູ່ໃນລາວ

- ກຽມເຂົ້າການສຶກສາ
- ຊັ້ນປະຖົມ (5ປີ)
- ຊັ້ນມັດຖຸຍົມ (4ປີ)
- ຊັ້ນອຸດົມ (3ປີ)
- ຫຼັງຊັ້ນມັດຖະຍົມ (2 ຫາ 6 ປີ)

ສົກຮຽນ (ລະບົບການສຶກສາທົ່ວໄປ)

- ເລີ່ມຕົ້ນພາກຮຽນທີ I, ໂດຍປົກກະຕິແມ່ນ ວັນທີ 1 ເດືອນພະຈັກ.
- ສິ້ນສຸດພາກຮຽນທີ I, ເລີ້ມໃນເດືອນມັງກອນ.
- ເລີ່ມເຂົ້າພາກຮຽນທີ II, ກາງເດືອນມັງກອນ.
- ສິ້ນສຸດພາກຮຽນທີ II, ລະຫວ່າງເດືອນພຶດສະພາ ແລະ ທ້າຍເດືອນມີຖຸນາ.
 


Copyright© EDF-Lao                                                                                                                                                 
335/25 Sibounheuang 26 road, Sibounheuang Village, Chanthabouly District, Vientiane Capital, Lao PDR,               
P.O.Box 7337, Tel/Fax: +856 21 222720, Tel: +856 21 240300, E-mail: info@edflao.org